1968 йилда чизмалар устида ишловчи ва трилобитлар коллекцияси тўпловчи ҳаваскор Уильям Майстер Антилоп-Спрингс (Юта штати) яқинида гил зангори тош қатламидан пойабзал изини топгани ҳақида хабар берди.

Майстер буюм изига ўхшаган бу топилмани гил зангори тош бўлагини иккига ёриб кашф этди. Тош ичида трилобитлар излари ҳам бор эди. Гил зангори тош ва ундаги пойабзал изи кембрий даврига тегишли бўлиб, унинг ёши 505–590 миллион йил деб баҳоланган.

"Creation Research Society Quarterly" нашрида эълон қилинган мақолада Майстер бу пойабзал изини шундай тасвирлайди:
«Қаблук бўлиши керак бўлган жойда чуқурлик бор, унинг чуқурлиги изнинг қолган қисмига нисбатан 3 мм (1/8 дюйм) га катта. Бу албатта ўнг оёқнинг изи, чунки пойабзал (ёки сандал) ўнг томонда кўпроқ елинган.»

Майстер бунга қўшимча қилиб қуйидаги муҳим маълумотларни берган:
«4 июлда биз доктор Кларенс Кумс (Колумбия коллежи, Такома, Мэриленд) ва геолог Морис Карлайл (Колорадонинг Болдер шаҳридаги университет битирувчиси) билан бирга топилма жойига бордик. Биз икки соат давомида қазиш ишларини амалга оширдик ва шундан сўнг, Карлайл жойлашган гил қатламларининг биринчи текширувидаёқ бу ерда окаменеллашган қазилмалар мавжудлиги эҳтимоли юқори эканини таъкидлади, чунки, унинг сўзларига кўра, бу қатлам бир вақтлар юзада бўлган.»

Бир нечта олимлар Майстернинг топилмаси ҳақида маълумот олгач, унга жиддий муносабат билдиришмади.

Мичиган университети эволюцион биология профессори бу ҳақдаги саволга шундай жавоб берган:
«Мен бу трилобитлар ҳақидаги ҳодисадан бехабарман... Аммо, агар бу яна бир сохталик ёки маълумотларни атайлаб бузиб кўрсатиш бўлмаса, ҳайратда қолардим. Бундай ҳолатлар ҳеч қачон расман тасдиқланмаган. Ҳозиргача энг ишончли далиллар эволюцияни тасдиқловчи қазилма бойликлар бўлган. Менимча, дунё яратилган деган ишонч ва "Ер юзаси текислик" назариясини қўллаб-қувватлаш бир хил. Бундай одамлар умуман ҳеч қандай далилга ишонмайди... Ҳар қандай "илмий" ёндошув орқали дунё яратилганлигини исботлашга уринишлар ҳеч қандай янгилик олиб келгани йўқ. Мен баъзи одамларнинг – оддий, жуда ҳурматга сазовор жамият аъзоларининг – ахборот воситалари ва алоҳида шахсларнинг манипуляцияларига тушиб қолишига ҳайратдаман».

Шундай қилиб, биолог-эволюционист топилма билан танишиб чиқмасдан, уни сохта деб ҳукм қилган.

Биз ҳам Майстер томонидан топилган бу изни беҳисоб тасдиқланган пойабзал изи деб таснифлашга шошилмаймиз, аммо буни объектив равишда илмий текшириш зарурлигини таъкидлаймиз.